ജന്മനാ ഭീരുവായിരുന്ന ഞാന്‍
ശാസ്ത്രമുത്തച്ഛന്റെ
കൈ പിടിച്ചാണ്
ധൈര്യത്തിലേക്ക് നടന്നിരുന്നത്;
നടക്കുന്നതും.

എനിക്കറിയാം
അരൂപികള്‍ അന്ധവിശ്വാസമാണ്.

പൂര്‍വ്വജന്മവും
പുനര്‍ജ്ജന്മവും
ഭൂത, പ്രേത, പിശാചുക്കളും
മാട്ട്, മാരണ, മന്ത്രവാദങ്ങളുമൊക്കെയായി
എന്റെ മുന്നില്‍ വരല്ലേ…..
പ്ലീസ്…..

ജീവിതമെന്ന
ഇത്തിരിപ്പാടത്തെ,
കുപ്പിക്കഴുത്ത് പോലുള്ള
ആ കഴായ*
ചാടിക്കടക്കുന്നതുവരെയെങ്കിലും
ഒടിയനെന്നും
മുനിയെന്നും പറഞ്ഞ്,
എന്നെ പേടിപ്പിക്കല്ലേ……

* പാടവരമ്പിനെ മുറിച്ചുപോകുന്ന വെള്ളച്ചാല്‍